Humahangos

sa ilalim ng talulot

ng pikit niyang mga mata,

umiikot ang kanyang paningin.

tila naghahanap sa dilim

ng daan palabas

ng bangungot

na sumukob sa mundong

itinago ng tulog –

nais tumakas sa

halakhak ng humahabol

na halimaw.

 

di man mahimbing

di rin magising

ang aking mahal.

 

di maimulat ang mga mata.

 

maya maya pa’y bumuka ang kanyang bibig,

bahagya,

at muling itinikom.

wari’y sikretong muntik nang makaalpas.

 

nais kitang sundan

mahal ko,

hanapin ka sa karimlan.

dala ko ay

kandilang di naagnas at

apoy ng dakilang tapang.

 

handa na akong lumusong

sa kumunoy ng iyong katinuan;

kundangan lang sa iyong

pagbalik.

 

humahangos,

butil-butil ang pawis,

at walang pagkilalang nabanaag

nang ako’y iyong tignan.

 

sa susunod, mahal

mauuna na ako

sa lugar na iyong kinatatakutan

at doon maghihintay – 

nang ni isang saglit

di mawalay ang ating malay.

 

kay lungkot mag-isa.

 

 

Advertisements

2 Responses so far »

  1. 1

    Boy Liempo said,

    ay… malupet ka iona… spying on your love while he’s sleeping ha! hehehe

  2. 2

    Jae said,

    ang ganda. sigh. gusto ko magsulat ng tagalog poetry. gusto ko magsulat ng tagalog na seryoso. ang galing nyo ni emman. nakakabadtrip. minsan magsusulat din ako.

    favorite line ko ito:

    sa susunod, mahal

    mauuna na ako

    sa lugar na iyong kinatatakutan

    at doon maghihintay –

    nang ni isang saglit

    di mawalay ang ating malay.


Comment RSS · TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: